XIX. mendetik, tokiko eta probintziako hainbat erakundek museo izeneko bildumak sortzeko urratsak eman zituzten, besteak beste, Arte eta Lanbide Eskolak, Bigarren Hezkuntzako Institutuak edo Arabako Foru Aldundiak.
Era berean, eliza bertako parrokia, ermita eta komentuek zuten arteaz ere interesatu zen.
XX. mendearen hasieran, Gotzainen Jauregian lehenengo artelanak biltzen hasi ziren, eta 1923rako, Kontziliatu Seminarioan, Ignacio Díaz Olano edo Fernando de Amarica bezalako artista arabarren aholkularitzarekin proiektatutako elizbarrutiko museoa inauguratu zen. Geroago, 1930 eta 1936 bitartean, Elvira Zulueta Ruiz de Gamizek emandako dirutzari esker, bilduma ikusgai jarri zen eraiki berria zen Elizbarrutiko Seminario berrian.
40ko hamarkadan, Arabako Foru Aldundiak Augustin Zulueta jauregia erosi zuen, bertan ‘Arabako Etxea’ izenez ezagutzen den kultur proiektua kokatzeko. Horrela, aspaldiko helburu bat amaitzen da: probintziari Probintziako Artxiboa, Arkeologiako bildumak eta Artekoa biltzen zituen zentro bat izatea. 1942rako, Gasteizko Apezpikutzak bere lanik garrantzitsuenetako batzuk erakunde horretan uzteko akordioa sinatu zuen, eta gainerako arte-bildumarekin integratu zuten. Frai Francisco Pasealekuko Jauregi honetan urteen poderioz Probintzia Museoa izena hartuko duena, eta azkenik Arabako Arte Ederren Museoa izango dena, ia 60 urtez egongo dira, lan hauek.
90eko hamarkadan, Arte Ederren Museoaren bildumen hazkundearen ondorioz, funtsezko hiru bildumatan (Arte Klasikoa, Euskal Artea eta Arte Garaikidea) antolatuta, horiek banatzeko eta berezko eraikinez hornitzeko kudeaketak hasi ziren.
1997an, Arabako Foru Aldundiko Kultura eta Euskara Sailak Gasteizko Gotzaindegiarekin adostu zuen Katedral Berriko girolan Arte Sakratuaren Museoa sortzea. 1999an inauguratu zen, batez ere Aldundiaren jabetzako Arte Klasikoko obrek eta Gotzaindegiarenak ziren obrek osatua, probintziako eliza eta hainbat partikularretatik etorritako sarrera berriekin batera. Horrela, bilduma bakarra osatzen da, 424 lanekin.
Nunc risus augue, porta eu nunc ut, condimentum mattis nisi. Fusce eros ante, congue eu nibh eu, pharetra pellentesque nulla. Aliquam erat volutpat. Morbi in enim fermentum, faucibus augue id, rhoncus arcu. Nam ac ex sit amet tellus convallis venenatis. Nam nec porttitor ipsum.
